19 አስደናቂ እውነታዎች ስለ እርግዝና

19 አስደናቂ እውነታዎ19 አስደናቂ እውነታዎች ስለ እርግዝና

1. አንዲት ሴት በእርግዝናዋ አጋማሽ ከበፊቱ ከነበራት የሰውነት ደም መጠን ከግማሽ በላይ ይጨምራል፡፡ ከዚህም ጋር የልብ መጠን እንዲሁም የእግር ቁመትም እንዲሁ ይጨምራል፡፡
2.የእርጉዝ ሴት ማህፀን ዘጠነኛ ወር ሲደርስ ከእርግዝና በፊት ከነበረው መጠን 500 እጥፍ ይጨምራል፡፡
3. ጨቅላ ህፃናት እናታቸው ማህፀን ውስጥ ሆነው ያለቅሳሉ፡፡ ነገር ግን የሽንት ውሃ ውስጥና ብዙ የቅባትና የጡንቻ ክፍል ስላለ ወደ ወጪ አይሰማም፡፡
4. እርጉዝ ሴት በእርግዝና ጊዜዋ ቃር ወይም የጨጓራ ማቃጠል ከበዛባት የምትወልደው ልጅ ፀጉር በጣም ብዙና ወፍራም ይሆናል፡፡ ይህ የሚሆነው ፀጉር የሚያበዛው ሆርሞን የጨጓራ ቱቦንም ስለሚያላላ የጨጓራ አሲድ ወደ ላይ እንዲመለስ ስለሚያደርግ ነው፡፡
5. አንድ የተረገዘ ህፃን ገና የ5 ወር እርግዝና ላይ አይነምድር ማምረት ይጀምራል፡፡ ነገር ግን ወደዉጪ ሳያስወጣ እስኪወለድ ድረስ ይቆይና ከተወለደ በኋላ በ1-2 ሰዓት ውስጥ ያስወግዳል፡፡
6. ጨቅላ ህፃናቶች ገና እናታቸው ማህፀን ውስጥ ሳሉ እናታቸው የምትበላውን ምግብ ጣዕም መቅመስ ይችላሉ በተደጋጋሚ አንድ ነገር ከተመገበችም ከተወለዱ በኋላ ያንን ምግብ የበለጠ ሊወዱ ይችላሉ፡፡
7. ይህ ብቻ አይደለም ከተረገዙ ወደ ሰባት ወር ላይ ሲደርሱ ማሽተትም ይችላሉ፡፡ እንደውም የሽንት ውሃ ውስጥ ስላሉ በተለይ መጥፎ የሆነ ሽታ ሊረብሻው ይችላል፡፡
8. ጨቅላ ህፃናት ማህፀን ውስጥ የእናት አባታቸውን ድምፅ መለየት ይችላሉ፡፡ ከዚህም አልፎ ሙዚቃና ለስለስ ያሉ ድምጾች ያዝናናቸዋል፡፡በተቃራኒው ከፍ እያሉ ድምጾች ሊያስደነግጣቸው ይችላል፡፡
9. አንዲት ሴት የመውለድ ወሯ ሲገባ የጡቶቿን ጫፎች በማሸት ምጧ እንዲመጣ ያለውን እድል መጨመር ትችላለች ይህ ጡትን ማሸት (oxytocin) የተባለውን ሆርሞን ስለሚጨምር በዝያውም ምጥ ስለሚያመጣ ነው፡፡
10. እርጉዝ ሴቶች ወደ ጭንቅላታቸው የሚደርሰው ኦክስጅን መጠን ለህፃኑ ስለሚካፈልና በመጠን ስለሚቀንስ የመርሳትና የመሳሳት ችግር ሊያጋጥማት ይችላል፡፡
11. Progesterone የሚባለው በእርግዝና ጊዜ በብዛት የሚመረት ሆርሞን አንዲት እርጉዝ ሴት ብዙ ስራ አንዳትሰራና የተረገዘውን ህፃን በንጥረነገርም ሆነ በብዙ እንቅስቃሴ እንዳትጫጫነው እንቅልፍና መደካከም እንዲበዛ ያረጋል፡፡
12. አንዲት እርጉዝ ሴት ምግብ ስትበላ ምግቡ ተጣርቶ ቀድሞ ህፃኑን ከበላ በኋላ ነው ንጥረነገር ለሷ የሚደርሰው፡፡ ስለዚህ እሷ ብትመገብም መጀመሪያ የሚጠቀመው ህፃኑ ነው፡፡
13. እርጉዝ ሴቶች ፀሃይ ቆዳቸውን ሲነካቸው ቶሎ ያጠቋቁራቸዋል፡፡ ስለዚህ ከፀሀይ እራሳቸውን ቢከላከሉ ይመረጣል፡፡ ነገር ግን vitamin D የሚባለውን ከፀሀይ የሚገኘውን ንጥረነገር ከወተት እና እንቁላል ማግኘት ይገባቸዋል፡፡
14. ብዙ ያልተለመደ ቢሆንም አንዳንድ ባሎች ሚስታቸው በእርግዝና ጊዜ የሚያጋጥማት ህመሞች ሊሰማቸው ይችላል፡፡ አንደ የሆድ መወጠር, ወደ ላይ ማለት, እንዲሁም ሆድ ቁርጠትን ጨምሮ ሚስታቸው ብዙ የሆነ progesterone መጠን ስለምታመርት እንዲሁም ይህ በቆዳ ሊተን ስለሚችል ወደሱ ስለሚተላለፍ የሚከሰት ነው፡፡
15 ጨቅላ ህፃናት በእርግዝና ጊዜ ህልም ያያሉ፡፡ ምን አይነት ህልም እንደሚያዩ ማወቅ ባይቻልም (REM) የሚባለው የእንቅልፍ የመጀመሪያው ክፍል ፍጥነት ያለው የአይን እንቅስቃሴ ስለሚታይ ህልም አንደሚያዩ ያረጋግጣል፡፡
16 ብዙ እርጉዝ ሴቶች የተለየ የምግብ አምሮት ቢኖራቸውም አንዳንዴ በተለየ ሁኔታ ምግብ ያልሆኑ እንደ ቀይ አፈር፣ ሳሙና፣አመድ እና አሸዋ ያሉ ነገሮች ማሽተትና መብላት ሊያምራቸው ይችላል፡፡ ይህ ሲከሰት ዶክተሮትን ማማከር ተገቢ ነው፡፡
17 አንዲት እናት በምጥ ከወለደች በኋላ አስከ አንድ ቀን ድረስ ምጡ ላይቆም ይችላል፡፡ ከእናት እናት መጠኑ ቢለያይም የማህፀን መድማትን ለመከላከልና ማህፀን ቦታው እንዲመለስ ለማድረግ ምጡ ከወለደች በኋላ ለጥቂት ጊዜያት ሊቆይ ይችላል፡፡
18 የጨቅላ ህፃናት መስሪያ ክፋዩች(Cells) በእርግዝና ጊዜ ወደተለያዩ የእናት ክፍሎች ይሄዳሉ ወደ ልቧ፣ኩላሊት፣ቆዳ፣ጡንቻና ሳምባዋ ገብተው እሷንም ይጠግናሉ፡፡ ስለዚህ የእያንዳንዱ ልጆቿ ቅሪት ክፋዩች ውስጧ በህይወቷ ሙሉ ይኖራል ማለት ነው፡፡
19 ለመጀመሪያ ጊዜ አንዲት እርጉዝ ሴት ስትወልድ የዳሌ አጥንቶቿን መሀል ለመሀል የሚያያይዝ ቀጭን አጥንት ይላቀቅል፡፡ ከዚያ በኋላ ተመልሶ አይጋጠምም፡፡